Эссене ничек кичерергә. ТР атказанган табибы киңәшләре
Кояш сугудан үзеңне ничек сакларга? Эсседә нәрсә ашарга һәм эчәргә? Нигә эсседә алкоголь куллану тыела? Бу һәм башка сорауларга «НТР 24» корреспондентына ТР атказанган табибы, Түбән Кама РҮКПХнең терапия бүлеге мөдире Светлана Особливая җавап бирде.
Светлана Борисовна иң мөһиме - эчү режим сакларга, дип ассызыклады. Организмны сусызланудан саклау өчен күбрәк эчәргә кирәк. Бүлмә температурасындагы су, шулай ук шикәрсез җылы яшел чәй, газсыз минераль су, компот һәм морслар эчү яхшырак йогынты ясар.
Табиб максималь кояш активлыгы вакытында 11дән 17 сәгатькә кадәр урамга чыкмаска киңәш итте. Барыннан да элек, бу кагыйдәләрне йөрәк-кан тамырлары авырулары булган кешеләр сакларга тиеш. Әгәр сез урамга чыксагыз, күләгәдә тору иң яхшысы.
Светлана Особливая кискен рәвештә алкоголь, шул исәптән сыра, баллы газлы эчемлекләр кулланырга киңәш итми. Алар сусауны басмый, шулай ук организмдагы алмашу процессларын да акрынайта.
Өлкәннәргә шулай ук җылы һәм кояш сугу симптомнарын белергә кирәк. Бу, беренче чиратта, хәлсезлек, сүлпәнлек, баш әйләнә, тирләү, сусау, баш авырту, күңел болгану һәм косу кебек билгеләр. Әгәр кешегә эссе какса, салкынча урынга күчерегез, башка салкын компресс яки дымлы сөлге куярга кирәк. Әгәр зыян күрүче аңында булса, аңа бик күп эчәргә бирегез, хушын югалткан икән, ашыгыч ярдәм бригадасын чакыртырга кирәк.
Тулырак «НТР 24» каналында йомгаклау чыгарылышында карагыз.