Гаилә, мәхәббәт һәм тугрылык көне
Бүген, Гаилә, мәхәббәт һәм тугрылык көнендә, без Түбән Кама район үзәк күп профильле хастаханәдә эшләүче бәхетле гаилә парлары турында сөйлибез.
Ганиевлар гаиләсе: Ильяс Мансур улы - амбулатор онкология ярдәме үзәге мөдире һәм аның хатыны Зөлфирә Кыямутдин кызы - йогышлы авырулар бүлеге мөдире.
Быел 25 августта Ганиевлар туйның бакыр еллыгын билгеләп үтәчәкләр, алар инде 32 ел бергә. Ике талантлы, уңышлы табиб кыз һәм ул үстерделәр, алар да медиклар булдылар. Яраткан оныклары да бар.
"Гаилә - ул, барыннан да элек, бер-береңә ярдәм итү мөмкинлеге. Берүзең генә башкарып чыга алмаган катлаулы хәлләр була, ул чакта якын кешенең ярдәме кирәк", - дип уртаклашты ирле-хатынлы Ганиевлар.
Киселевлар гаиләсе: Дмитрий Иванович - маммология бүлеге мөдире, Елена Ивановна - маммология бүлегенең рентгенолборанты.
Дмитрий Иванович һәм Елена Ивановна бергә инде 19 ел. Булачак парлар хастаханәдә очраштылар, өйләнештеләр һәм нык гаилә кордылар. Хәзер Киселевлар өч бала тәрбияли, ике кызы һәм уллары бар.
"Без ир белән хатын гына түгел, без дуслар да. Ир-ат һәм хатын-кыз - ул бөтенләй төрле полюслар, һәм бу полюслар бергә булсын өчен, бер-береңне хөрмәт итәргә, йомшак булырга, юл куярга, бер-береңә ярдәм итәргә, ышанырга кирәк", - дип уртаклашты Киселевлар.
Минхәеровлар гаиләсе: ашыгыч медицина ярдәме станциясе фельдшерлары Ленар Әсгатович һәм Эльмира Юнысовна. Өйләнешүгә 13 ел, аларның өч баласы бар.
"Балаларыбызны сөендерергә, аларның елмаюларын күрергә һәм аларның барлыгына сөенәбез!",- дип уртаклашты Минхәеровлар.
Ярушевлар гаиләсе: ашыгыч медицина ярдәме станциясе фельдшерлары Игорь Валерьевич һәм Виктория Константиновна бер ай элек өйләнештеләр.
«Без бу җәйдә өйләнештек. Безнең өчен гаилә - ул мәхәббәт, бәхет, ярдәмләшү. Без кызыклы, матур һәм бәхетле уртак тормыш белән бергә яшәргә телибез!» - дип уртаклашты Ярушевлар.
Без яшь парларга Мәхәббәт һәм бәхетле гаилә тарихы телибез!
Барлык хезмәттәшләребезне Гаилә, мәхәббәт һәм тугрылык көне белән котлыйбыз! Бер-берегезне саклагыз һәм бәхетле булыгыз!