Сәламәтлек саклау ветеранын, Татарстанның Атказанган табибын Гайнуллин Үзбәк Шәфигулла улын юбилее белән котладылар
Бүген Татарстан Республикасы Сәламәтлек саклау хезмәткәрләренең республика ветераннар Советы Рәисе Садыков Наил Сәлах улы табиб-хирург Гайнуллин Үзбәк Шәфигулла улына рәхмәт сүзләрен җиткерде.
Сәламәтлек саклау ветеранын котларга шулай ук ТР сәламәтлек саклау министрлыгының эшләр идарәчесе Айзетуллов Идеал Азат улы килде. Наил Сәлах улы үз исеменнән, министр исеменнән һәм җитәкчеләр Үзбәк Шәфигулла улын юбилее белән котлады, тармак үсешенә керткән өлеше өчен Рәхмәт хаты, бүләкләр һәм Татарстанның сәламәтлек саклау өлкәсе турында китап тапшырды.
Әле күптән түгел Үзбәк Шәфигулла улы үзенең 85 яшьлеген билгеләп үткән иде. Үзбәк Шәфигулла улы Татарстан Республикасының Сәламәтлек саклау системасында 40 елдан артык хезмәт иткән.
Гайнуллин Үзбәк Шәфигулла улы 1937 елда ТАССРның Балтач районы Үрә авылында туа. 1961 елда Казан дәүләт медицина институтын тәмамлаганнан соң, хезмәт эшчәнлеген ТАССРның Тукай районы үзәк хастаханәсе хирургы вазыйфасында башлый. Шул вакыттан бирле аның тормышы халыкның сәламәтлеген саклауга һәм ныгытуга багышланган иде. 1962 елда Үзбәк Шәфигулла улы Тукай РҮХне җитәкли һәм 1965 елга кадәр баш табиб булып эшли.
1965 елда Үзбәк Шәфигулла улы Буа РҮХнең баш табибы итеп билгеләнә.
1970 елда Яр Чаллы үзәк район хастаханәсен җитәкли, аннары Яр Чаллы шәһәре шәһәр хастаханәсенең хирургия бүлегенең табиб-хирургы булып эшли.
1973 елда Узбек Шәфигулла улы Апас районына күчә, анда Апас хастаханәсенә хирургия бүлеге мөдире вазыйфасына алына. 1986 елда аны шушы хастаханәнең баш табибы итеп билгелиләр. Бу вазыйфада ул 1998 елга кадәр, лаеклы ялга чыкканчы эшли.
Үзбәк Шәфигулла улы Апас районы сәламәтлек саклауның матди-техник базасын ныгытуга зур өлеш керткән.
Үзбәк Шәфигулла улы үзен талантлы җитәкче һәм авыл сәламәтлек саклавын оста оештыручы, күпкырлы һәм грамоталы табиб-хирург итеп күрсәтте.
Үзбәк Шәфигулла улына 1992 елда Татарстан Республикасының Сәламәтлек саклау өлкәсендәге казанышлары өчен «Татарстан Республикасының Атказанган табибы» мактаулы исеме бирелә.
Үзбәк Шәфигулла улы Гайнуллин «Хезмәт ветераны» мактаулы исемгә лаек һәм «Сәламәтлек саклау отличнигы»билгесе белән бүләкләнгән.