Пленкадан цифрга: Алабугага илкүләм проект буенча яңа буын рентген комплексы кайтарылды
Алабуга үзәк район хастаханәсенә «РЕНЕКС-РЦ» рентген цифрлы комплексы кайтарылды. Аппарат «Сәламәтлек саклау» милли проектына керүче сәламәтлек саклауның беренчел звеносын модернизацияләү программасы буенча алынган.
Комплекс ике эш урынына исәпләнгән. Җитештерүче хәбәр иткәнчә, җиһаз гомуми рентгенологиянең барлык тикшеренүләре өчен билгеләнгән һәм төрле яшьтәге һәм мобильлек дәрәҗәсендәге кешеләрне уңайлы һәм куркынычсыз тикшерү өчен кирәкле чаралар белән җиһазландырылган.
Алабуга һәм Алабуга районында яшәүчеләр ел дәвамында табиблар юлламасы буенча 30 меңнән артык тапкыр рентген уза.
Быел «Сәламәтлек саклау» илкүләм проектының сәламәтлек саклауның беренчел звеносын модернизацияләү программасы буенча республика медицина учреждениеләренә: Алексеевск, Аксубай, Әлмәт, Арча, Балтач, Алабуга, Яшел Үзән, Менделеевск, Нурлат, Саба, Сарман (2 берәмлек), Теләче, Чистай РҮХ; 4 күчмә аппарат-Баулы, Балтач, Нурлат, Саба РҮХ - барлыгы 14 рентген-стационар аппарат урнаштырылачак.