Кайбыч район үзәк хастаханәсенең Чүти ФАПы газлаштыруга әзерләнә

2022 елның 18 октябре, сишәмбе

Кайбыч районының Чүти авылындагы фельдшер-акушерлык пункты шушы көннәрдә газүткәргечкә тоташтырылачак. ФАП «Сәламәтлек саклау» илкүләм проектына кертелгән сәламәтлек саклауның беренчел звеносын модернизацияләү программасы буенча төзелгән.

Федераль һәм республика бюджетларыннан барлык эшләргә 6 миллион 766 мең сум акча бүлеп бирелгән.

Сәламәтлек саклауның беренчел звеносын модернизацияләү илкүләм проекты буенча республиканың барлык 43 муниципаль районына ел ахырына кадәр яңа электрокардиографлар киләчәк.