Алия Насыйбуллина ТР токсикология үзәгенең эшләү тәҗрибәсе белән Мәскәүдәге коллегалары белән уртаклашты

2022 елның 24 октябре, дүшәмбе

Татарстан Сәламәтлек саклау министрлыгының баш токсикологы Алия Насыйбуллина «Клиник токсикологиянең үсеш этаплары һәм перспективалары» дигән Юбилейлы Лужник укуларында катнашты. Укулар 21-22 октябрьдә Мәскәү шәһәрендә.Н.В. Склифосовский исемендәге ашыгыч ярдәм фәнни-тикшеренү институты базасында узды.

Съезд эшендә илнең әйдәп баручы токсикологлары катнашты. Алия Рөстәм кызы съездда катнашучыларны Казанның 7 хастаханәсе токсикология үзәгенең метанол белән күпләп агуланудагы эш тәҗрибәсе белән таныштырды.