Байлар Сабасында «Сәламәт милләт» конференциясе кысаларында хәзерге медицинада профилактика һәм терапия турында сөйләштеләр

2022 елның 24 октябре, дүшәмбе

Байлар Сабасында хәзерге медицинада профилактика һәм терапия роленә багышланган ике көнлек «Сәламәтлек милләт» Халыкара фәнни-гамәли конференциясе тәмамланды. Чара татар һәм рус телләрендә оффлайн һәм онлайн форматта узды.

Анда Казан ДМУ кафедралары профессорлары, ТР Сәламәтлек саклау министрлыгының баш штаттан тыш белгечләре, медицина фәннәре докторлары һәм кандидатлары, тарих фәннәре докторы, көнчыгыш медицинасы буенча белгечләр, нутрициолог, директорлар һәм төрле оешмаларның вәкилләре һәм башкалар катнашты.