10 һәм 11 ноябрьдә Казанда ВИЧка бушлай аноним тест узарга мөмкин

2022 елның 9 ноябре, чәршәмбе

10 һәм 11 ноябрьдә «Татарстан Республикасы Сәламәтлек саклау министрлыгының СПИД һәм йогышлы авыруларны профилактикалау һәм аларга каршы көрәш буенча республика үзәге» ДАССУ ВИЧ-инфекциягә түләүсез аноним экспресс-тест үткәрә.

"Җиңү өчен Тест. Ярдәм янәшә" проекты "Яңа гасыр" фонды белән берлектә Президент грантлары фонды акчасына тормышка ашырыла.

Тест-мобильләр Казан, Пушкин ур., 11 адресы буенча (сәгатьләр янында) 12.00 сәгатьтән 16.00 сәгатькә кадәр Бауман урамында эшләячәк.