Алабугада бишенче кат тәрәзәсеннән алты яшьлек кыз егылган
7 декабрьдә кичке 7дә бишенче каттан алты яшьлек бала төшкән. Район үзәк хастаханәсенең кабул итү бүлмәсенә хәвефле хәбәр белән шалтырату килгәннән соң, кызның егылу урынына фельдшерлар Мария Гуслистова һәм Наталья Темлякова составындагы ашыгыч ярдәм бригадасы чыкты.
Алабуга үзәк район хастаханәсе табиблары реаниматологлар, травматологлар, хирург, педиатр, лаборантлар, рентгенолог, функциональ диагностика табиблары составында ашыгыч рәвештә чакырылды. Кыска вакыт эчендә бала тикшерелде.
Бу хәлне Алабуга үзәк хастаханәсе баш табибы Рамил Сәфәров шәхси контрольгә алды. Балага беренче медицина ярдәме күрсәтеп кенә калмады, УЗИ, рентген тикшерү, анализлар белән бәйле барлык кирәкле манипуляцияләр дә үткәрелде. Параллель рәвештә БРКХ реаниматологлары белән эш алып барылды. Республика консультатив үзәге аша баланы Яр Чаллыга илтү турында карар кабул ителде. Автошәһәрдән реаниматолог белән реанимобиль килде. Барлык белгечләр һәм балачак һәм бала табу буенча баш табиб урынбасары Гөлнара Солтанова эше белән беррәттән пациент Республика балалар клиник хастаханәсе һәм Кама балалар медицина үзәгенең реаниматологы һәм нейрохирургы белән киңәшләште. Оператив эш нәтиҗәсендә баш табиб катнашында кызга кирәкле бөтен ярдәмне үз вакытында күрсәтелә һәм аны Яр Чаллы шәһәренең КБМҮ балалар хастаханәсенә күчерә.
"Кыз күлмәктә туган, - ди табиблар, - баш сөякләрен исән һәм тән сөякләре сынулар юк". Хәзерге вакытта зыян күргән сабыйның хәлен табиблар тотрыклы дип бәяли.