Рөстәм Миңнеханов РКХдә булды һәм HIMMS стандартлары буенча цифрлаштыру проекты белән танышты
Республика клиник хастаханәсе HIMMS стандартлары буенча цифрлаштыру проектын кертте. Цифрлаштыру проектын Татарстан Республикасы Президенты Рөстәм Миңнехановка тәкъдим иттеләр.
HIMMS – медицина ярдәмен мәгълүматлаштыру сыйфатының халыкара бәйсез эксперты. HIMSS критерийларына нигезләнеп, медицина оешмасы медицина ярдәменең алдынгы сыйфат стандартлары буенча эш алып бара.
Рөстәм Миңнеханов Республика клиник хастаханәсенең кабул итү бүлегендә, башка бүлекләрдә булды, медикларның яңа цифрлы стандартлар буенча эше белән танышты. РКХнең баш табибы Рафаэль Шәвәлиев аңлатмалар бирде. Презентациядә СП.АРМ компаниясе җитәкчесе Александр Мартынов катнашты. Компания – Россиядә бердәнбер HIMSS сертификатлы эксперты. Александр Мартынов хәбәр иткәнчә, «бүгенге вакыйгага без бер ел бардык». Ул ассызыклаганча, Республика клиник хастаханәсе беренче тапкырдан сертификацияне уза алды.
Кабул итү бүлеге, тәүлегенә 200-300 пациент кабул итеп, тәүлек буе эшли. Элек килгән пациентны рәсмиләштерүгә күп вакыт сарыф ителә иде. Хәзер уникаль штрих-код булган идентификацион беләзекне бастырып чыгарырга мөмкин. Штрих-код үзара бәйләнешнең һәр этабында пациентны идентификацияләргә мөмкинлек бирә. Аллергияле пациентларның махсус беләзекләре бар, алар шунда ук дәвалану билгеләү өчен уңайлы.
Республика клиник хастаханәсендә ТР сәламәтлек саклау министры Марат Садыйков, ТР Мәгълүмати технологияләр һәм элемтә дәүләт идарәсенең цифрлы үсеше министрлыгы башлыгы Айрат Хәйруллин, ТР Премьер-министры урынбасары – Министрлар Кабинеты Аппараты җитәкчесе Шамил Гафаров һәм башкалар катнашты.