Васильево район хастаханәсендә яңа маммографта 1500дән артык снимок ясалган

«Сәламәтлек саклау» илкүләм проектының «Беренчел звеносын модернизацияләү» программасы буенча 2022 елда Яшел Үзән үзәк район хастаханәсенең Васильево район хастаханәсендә «Ренекс-РЦ» цифрлы рентген комплексы, «Максим» флюорография аппараты һәм «Маммо-РПЦ» маммография аппараты урнаштырылган.

Хастаханәне маммограф белән җиһазландыру күкрәк яман шешен һәм башка авыруларны диагностикалауны яхшыртырга һәм вакытында дәвалау билгеләргә мөмкинлек бирә. Аппарат эшләгән вакытта 384 пациент тикшерелгән, 1532 снимок ясалган.