Кама балалар медицина үзәгендә яңа форматта телемедицина консультацияләре үткәрелә башлады
Консультацияләр үткәрү өчен Казан шәһәренең Республика балалар клиник хастаханәсе Чаллы шәһәренең Кама балалар медицина үзәгенә мобиль диагностик телемедицина стойкасын тапшырды.
Бу җиһазлар онлайн режимда БРКХ белгечләре белән элемтәгә керергә мөмкинлек бирә.
Станция мобиль, хәтта операция өстәлендә булган теләсә кайсы пациент янына алып барырга мөмкин. Аудио һәм видео сигнал тапшырудан тыш, телемедицина стойкасы реаль вакыт режимында ультратавыш һәм эндоскопия тикшеренүләре мәгълүматларын тапшырырга мөмкинлек бирә.
- Әлеге технология диагноз кую тизлеген, төгәллеген һәм, тиешлечә, тактиканы һәм планлы һәм ашыгыч тәртиптә дәвалауны сайлавын арттырачак, - дип билгеләп үтте КБМҮ анестезиология һәм реанимация буенча баш табиб урынбасары Илнур Әхмәтов.
Яңа форматтагы беренче телемедицина консультациясе инде БРКХнең нефрология бүлеге мөдире Людмила Поладова белән узды.