ТР Сәламәтлек саклау министрлыгының Матбугат хезмәте җитәкчесе Әлфия Хәсәнова «Диалог» оешмасының Рәхмәт хатын алды
30 майда Татарстан Республикасы Хөкүмәте Йортында «Диалог» КБАО һәм «Диалог Регионы» КБАО Рәхмәт хатлары тапшырылды.
Чарада Татарстан Республикасы Премьер-министры урынбасары Ләйлә Фазлыева, Татарстан Республикасында Кеше хокуклары буенча вәкаләтле вәкил Сәрия Сабурская катнашты.
Татарстан Республикасы вице-премьеры Ләйлә Фазлыева һәм «Диалог» һәм «Диалог Регионы» коммерцияле булмаган автоном оешмалары генераль директоры Владимир Табак Татарстан Республикасы Сәламәтлек саклау министрлыгының Матбугат хезмәте җитәкчесе Әлфия Хәсәновага Рәхмәт хаты тапшырды һәм яхшы эше өчен рәхмәт белдерде.
Матбугат сәркатибләре һәм коммуникацияләр буенча белгечләр эше мөһим - ул кешеләргә республикада нәрсә булганын һәм аның кайсы якка үсүен яхшырак аңларга мөмкинлек бирә, дип билгеләп үтте Ләйлә Фазлыева. Ул билгеләп үткәнчә, бүген халыкның хакимият органнары алдында нинди бурычлар торуын, ни өчен теге яки бу карарлар кабул ителүен аңлауы бик мөһим һәм кирәк.