Хәйриячеләр җыйган 1,6 млн сумнан артык акча Казанның икенче хосписын төзүгә тапшырылган
7 июльдә Казан хосписына стационарның икенче бинасын төзү өчен 1 млн.626 мең сумлык сертификат тапшырылды. Акчалар «Ак чәчәкләр» гольф буенча икенче халыкара хәйрия турниры вакытында җыелган.
РФ Дәүләт Думасы депутаты Айрат Фәррахов Татарстанга хосписның икенче бинасы кирәклеген билгеләп үтте.
"Бу балалар өчен генә түгел, ә рак авыруларыннан интегүче олылар өчен дә бик кирәк. Ярдәм итәргә тырышачакбыз", - диде ул.
.jpeg)
Татарстан сәламәтлек саклау министры Марсель Миңнуллин хосписның Татарстанда бик кирәкле һәм уникаль проект булуын ассызыклады. "Республика бу юнәлешнең флагманы булып тора. Күпләр киләләр һәм безнең тәҗрибә белән кызыксыналар. Ә без бу койка-урыннарда кирәклеген тоябыз. Без бу перспективалы юнәлешне алга таба үстерүне дәвам итәргә ниятлибез. Владимир Владимировичның энтузиазмы һәм ышанычы булмаса, бернәрсә дә килеп чыкмас иде", – дип билгеләп үтте ведомство башлыгы.
Анжела Вавилова исемендәге фондка нигез салучы һәм идарә рәисе Владимир Вавилов билгеләп үткәнчә, дәүләт һәм битараф булмаган кешеләр ярдәме белән икенче Казан хосписы бер елга иртәрәк ачылачак. Хәзерге вакытта пациентлар ял итәчәк кышкы бакча бинасын төзелә. 30 августта барлык төзелеш эшләрен тәмамлау планлаштырыла, ә инде 2024 ел башында бина беренче пациентларны кабул итә башлаячак.