Кама балалар медицина үзәгендә баланы елан тешләүнең беренче очрагы теркәлгән
10 яшьлек бала зыян күргән. Яшь пациент реанимациягә хастаханәгә эләгә, аннан соң профильле бүлеккә күчерелә.
Чаллы тирәсендә агулы булып кара еланнар тора. Аларны башларында сары таплар булмау белән тубаш еланнардан аерып була. Белгечләр әйтүенчә, елан үзе һөҗүм итми. Әгәр дә сез еланны күрсәгез, мөмкин булса, куркынычсыз арага китәргә һәм агрессия тудырмаска кирәк, бәлки ул анда ялгыз түгелдер.
- Әгәр елан тешләде икән, бернинди очракта да жгут куярга ярамый, агуны суырып алырга да тырышмагыз. Бу катлаулануга китерергә мөмкин. Беренче чиратта, ярага чиста бәйләү салырга һәм агу таралмасын өчен аяк хәрәкәтен чикләргә кирәк. Һәм мөмкин кадәр тизрәк зыян күрүчене хастаханәгә алып барырга, анда аңа кирәкле ярдәм күрсәтеләчәк, - дип билгеләп үтте КБМҮ Балалар хастаханәсенең анестезиология-реанимация бүлеге мөдире вазифаларын башкаручы Дмитрий Столяров.
Балаларны КБМҮдә ашыгыч госпитализациянең 1 нче терминалына кабул итәләр.