Югары Ослан үзәк район хастаханәсе колоноскопияне седация белән уңышлы үткәрә
Бүгенге көндә үзәк район хастаханәсендә ярдәм күрсәтү дәрәҗәсе элеккегә караганда күпкә югарырак. Техник яктан катлаулы тикшеренүләр һәм манипуляцияләр үткәрергә әзер булган сирәк белгечлекләр табиблары җәлеп ителә.
Шулай итеп, ярты ел инде үзәк район хастаханәсендә седация белән колоноскопия үткәрелә. Шунысын да әйтергә кирәк, седация - ул шул ук наркоз, ягъни пациент авырту сизми, һәм бернинди дә тискәре нәтиҗәләр барлыкка килми. Бу манипуляцияне яңа җиһазларда зур тәҗрибәле доктор, табиб-эндоскопист Попов Владимир Альбертович башкара. Югары Ослан халкына хәзер әлеге манипуляцияне үткәрү өчен Казанга барырга кирәкми.
Ә бүген Татарстанның башка районнарында яшәүчеләрнең дә әлеге ярдәмне алу мөмкинлеге бар.
Бүген районнарның үзара хезмәттәшлеге кысаларында Кайбыч районында яшәүче ике хатын-кыз колоноскопия үтә алды.
Алар процедурадан соң үзләрен яхшы хис итүләрен билгеләп үттеләр. "Казанга бару авыр булырга мөмкин, бигрәк тә шәхси транспорт булмаса. Ә бүген без күрше Югары Осланга килдек, анда шундый яхшы белгечләр бар икән. Тикшерү, процедуралар үтте, хәзер сәламәтлегебез өчен тыныч була алабыз», - дип ассызыкладылар алар.
Исегезгә төшерәбез, җиһазлар Югары Ослан үзәк район хастаханәсенә узган ел «сәламәтлек саклау»милли проектының беренчел сәламәтлек саклау звеносын модернизацияләү программасы буенча килгән иде.