Казан шәһәренең 7 нче клиник хастаханәсенең мобиль комплексы Яшел Үзән районында эшне җәелдерәчәк
Дүшәмбедән Яшел Үзән районының Карамалы Тау бистәсендә күчмә поликлиника ачылачак. Комплекс җирле табиб амбулаториясе янында урнашачак. Башкала табиблары авыл халкын 24 июльдән 4 августка кадәр кабул итәчәк (ял көннәреннән тыш).
Мобиль комплекс табибларының эш графигы:
Дүшәмбе-кардиолог, невролог.
Сишәмбе-кардиолог, невролог, офтальмолог.
Чәршәмбе-невролог, офтальмолог уролог. Уролог чәршәмбе көнне ике атнага бер тапкыр чыга. Киләсе кабул итү 2 августта.
Пәнҗешәмбе-кардиолог, травматолог, ревматолог. Ревматолог пәнҗешәмбе көнне ике атнага бер тапкыр чыга. Киләсе кабул итү 3 августта.
Җомга кардиолог, офтальмолог, гинеколог, кан тамырлары хирургы.
Моннан тыш, комплекс эше кысаларында халыкны диспансерлаштыру узачак.
Мобиль поликлиника бригадасы составында эшләүче барлык табиб-белгечләр «җиделек» нең профильле бүлекчәләре хезмәткәрләре булып торалар һәм кирәк булганда пациентларны тикшерүгә һәм алга таба Казан шәһәренең 7 нче шәһәр клиник хастаханәсенә госпитализацияләүгә җибәрәләр.
Пациентларны мобиль комплекска участок хастаханәләре табиблары, амбулаторияләр һәм мобиль поликлиника килгән торак пунктларның фельдшер-акушерлык пунктлары фельдшерлары җибәрә.
Мобиль комплексның эш сәгатьләре 8-00дән 13-00гә кадәр.