Рөстәм Миңнеханов Сәламәтлек саклау министрлыгында булды
Бүген Татарстан Республикасы Рәисе Рөстәм Миңнеханов Татарстан Республикасы Сәламәтлек саклау министрлыгы бинасында булды.
Ул биредә үткәрелгән реконструкция һәм ремонт эшләре белән танышты.
Исегезгә төшерәбез, Бутлеров урамындагы бина мәдәни мирас объекты булып тора. Бина 1914 елда төзелгән. 1920 елга кадәр биредә дворян җир банкының Казан бүлекчәсе урнашкан. Аннары объект табибларны камилләштерү өчен дәүләт институтына (ГИДУВ) тапшырыла.
Рөстәм Миңнеханов гомуми бүлекне һәм балаларга медицина ярдәмен оештыру бүлеген, бала тудыру хезмәтенең бүлеген, гражданнарны кабул итү бүлеген, хезмәт хакы буенча исәп-хисаплар бүлеген, медицина эшчәнлеге сыйфаты стандартларын контрольдә тоту идарәсен карады. ТР сәламәтлек саклау министры Марсель Миңнуллин озата йөрде бирде.
Бинада шулай ук конференцияләр залы, музей бар. Биналарның берсендә (килүчеләр өчен көтү бүлмәсе) стена тарихи аспектта бизәлгән монда кайчандыр ведомствоны җитәкләгән барлык кешеләрнең портретлары эленгән.
Элек Татарстан Республикасы Сәламәтлек саклау министрлыгы Островский урамында, 11 нче йортта урнашкан иде.