12 октябрь - Бөтендөнья күз күрү көне
Бөтен дөнья буенча якынча 2,2 миллиард кеше төрле күз күрү бозулары белән яши. Күрүнең начарлануының төп кайтма сәбәпләре булып рефракция аномалияләре (ерактан начар күрү, якыннан начар күрү, астигматизм) һәм катаракта тора, күрүнең кире кайтарылмаслык сәбәпләре арасында яшьтәге макуляр дегенерация (ВМД), глаукома һәм диабетик ретинопатия лидерлык итә. Күз авырулары нәтиҗәсендә инвалидлык сәбәпләре булып глаукома, челтәркатлау авырулары, күрү нервы авырулары, дегенератив миопия тора.
Күз күрүен нәрсә бозарга мөмкин
- Яшь үзгәрешләре 40 яшьтән өлкәнрәк кешеләр, элек булган кебек, әйберләрне якыннан ачык күрә алмыйлар. Бу күз ясмыгындагы үзгәрешләр белән бәйле. Яше арткан саен күз ясмыгы тыгызлана, эластиклыгын югалта.
- Күрү гигиенасы булмау, компьютер һәм мобиль җайланмалар белән эшләгәндә күзләрнең арыганлыгы.
- Кан әйләнеше начарлану күп авырулар бар, алар аркасында баш артерияләре тарая. Аларга атеросклероз, кан тамырлары аномалияләре һ. б. керә.
- Начар гадәтләр. Спиртлы эчемлекләр күз нервысына тәэсир итә. Тәмәке күз ясмыгының томанлануына, сары тапның деградациясенә китерә.
- Күзнең артык киеренкелеге. Челтәр катлау күзәнәкләре артык яктылык һәм җитәрлек яктылык булмаганда зыян күрә.
- Күзнең лайлалы тышчасы корылыгы.
- Физик күнегүләр җитәрлек булмау
- Генетика.
- Арка патологиясе, аерым алганда, муен остеохондрозы күрүнең начарлануына китерә.
- Дөрес тукланмау.
- Башка органнар һәм системалар патологияләре, аерым алганда, шикәр диабеты белән авыручы пациентларда еш кына диабетик ретинопатия барлыкка килә, ул күрү сәләтен югалтуга китерергә мөмкин.
- Җәрәхәт алу
Офтальмологка барырга кирәк, белгеч:
- Күрү үткенлеген тикшерә. Нәкъ менә ул кешенең күрү органнары торышының төп күрсәткече булып тора.
- Күз эчендәге басымны тикшерә. Күз эчендәге басым күрсәткечләренең үзгәрүе глаукома үсеше куркынычын күрсәтә.
Күрү бозуларын ничек кисәтергә?
- гигиенаны саклагыз
- күзләрегезгә күнекмәләр ясагыз, ял иттерегез
- кандагы шикәр дәрәҗәсен һәм кан басымын, кандагы холестеринны контрольдә тотыгыз
- комплекслы күрү диагнозын үтегез.
- куркынычсызлык кагыйдәләрен үтәгез, куркыныч эшләрдә, бакчада саклагыч күзлекләр кулланыгыз
- спорт белән шөгыльләнгәндә күзләрегезне саклагыз
- ачык һавада физкультура һәм спорт белән шөгыльләнегез
- күзләрегезне ульрафиолеттан саклагыз
- дөрес тукланыгыз
- тәмәке тартудан баш тартыгыз
- күзләрегезне офтальмологка каратыгыз
- гомуми сәламәтлекне күзәтегез,
- профилактик тикшерүләр узыгыз
- даруларны куллану буенча күрсәтмәләрне игътибар белән укыгыз
- күз авырулары булганмы, гаилә тарихын өйрәнегез
- кирәк булса, күрүне төзәтү өчен күзлек киегез
Күзләрегезне саклагыз!