Шөгер табиблык амбулаториясендә янгын куркынычсызлыгы буенча практик дәресләр үтте
Легенда буенча янгын чыганагы гериатрия бүлегенең ашханәсендә булган. Шул вакытта ике ашханә хезмәткәре оператив рәвештә берсе янгын сүндерүче ярдәмендә янгынны сүндерә башлый, икенчесе куркыныч төймәсенә баса. Аннары бинада өйрәнү эвакуациясе башлана. Медицина хезмәткәрләре Үзәкнең барлык пациентларына урамга чыгарга ярдәм иткәннәр, аз хәрәкәтләнүчеләрне каталкалар ярдәмендә алып чыкканнар.
Амбулаториянең баш табибы Ринат Саттаров янгын күзәтчелеге башлыгына хәл турында хәбәр итте:
"Бинаның беренче катында янгын чыккан. Хастаханәнең 10 хезмәткәре һәм гериатрия үзәгенең 10 пациенты эвакуацияләнгән", - диде Ринат Саттаров.
Шөгер янгын күзәтчелеге бригадасы янгын сүндерү учагын сүндерә һәм барлык кабинетларны һәм палаталарны тикшерә.
Лениногорск үзәк район хастаханәсенең барлык бүлекчәләре хезмәткәрләре даими янгын-тактик күнегүләр уза, кешеләрне эвакуацияләү һәм шартлы янгынны бетерү эшләрен башкара.