Идел буе медицина вузлары студентларын Түбән Камага эшкә чакырдылар

2024 елның 20 мае, дүшәмбе

Ике күрше республикада медицина вузларын тәмамлаучылар өчен вакансияләр ярминкәләре узды. Түбән Кама район үзәк күп профильле хастаханәсенең 2нче поликлиника мөдире Руслан Муллин Башкорт дәүләт медицина университетында булды. Ул уку йортын тәмамлаучыларны эшкә чакырды, Түбән Камада эшләүнең өстенлекләре һәм ярдәм чаралары турында сөйләде.

Операция бүлеге мөдире Рөстәм Хәлиуллин һәм кадрлар бүлеге башлыгы Людмила Зотова Чуваш Республикасында булдылар, анда алар Чуваш дәүләт университетының медицина факультеты студентлары һәм ординаторлары белән очраштылар.