Марсель Миңнуллин диспансерлаштыру үтте
Бүген ТР сәламәтлек саклау министры Марсель Мансур улы Миңнуллин диспансерлаштыру үтте.
Телекомпанияләргә биргән интервьюсында ул: "Диспансеризация – бу мөһим. Кешеләр моны аңларга тиеш.
Бу билгеле бер анализлар җыелмасы, алар теге яки бу авыруның куркынычларын билгеләргә мөмкинлек бирә. Әгәр анализлар нормаль булса, алга таба тыныч яшәргә мөмкин. Әгәр үзгәрешләр булса, диспансерлаштыруның 2нче этабына барырга кирәк, анда авыруга бәйле рәвештә тирәнрәк тикшеренүләр үткәрелә. Диспансерлаштыруның бурычы – җитди авыруларның яшерен куркынычларын ачыклау».
Ведомство башлыгы Татарстан халкын мондый мөмкинлектән файдаланырга чакырды. Диспансерлаштыру безнең илдә бушлай («Сәламәтлек саклау» милли проекты буенча), беркетелгән поликлиникада үткәрелә.
Агымдагы елның 4 июленә өлкәннәр арасында 630 меңгә якын кеше (629 404) диспансерлаштырылган, 163 меңнән артык өлкән кеше (163 097) профилактик медицина тикшерүе узган.
Һөнәри тикшерүләр һәм диспансерлаштыруның ешлыгы календарь елындагы яшьне исәпкә алып билгеләнә. Аерым алганда, диспансерлаштыру 18 яшьтән 39 яшькә кадәр 3 елга 1 тапкыр, 40 яшьтән өлкәнрәк ел саен үткәрелә.
Медицина тикшерүе күләме җенес һәм яшь буенча төгәл аерыла. Диспансерлаштыруның иң мөһим компоненты булып яман шешләрне иртә ачыклауга юнәлдерелгән онкоскрининг тора.