Сәламәтлек саклау министрлыгында ведомствоның халык алдында формалаштырылган максатларын һәм бурычларын тормышка ашыру буенча беренче яртыеллык эшенә йомгак ясалды
Татарстан Республикасы Сәламәтлек саклау министрлыгында Иҗтимагый совет һәм экспертлар төркеме утырышында Татарстан Республикасы Сәламәтлек саклау министрлыгының максатларын һәм бурычларын ачык формалаштыруны гамәлгә ашыру буенча Сәламәтлек саклау министрлыгының 2024 елның беренче яртыеллык эшенә йомгак ясалды.
Исегезгә төшерәбез, 2024 елга максатлар һәм бурычлар 5.
1. Өлкән яшьтәге халыкны диспансерлаштыру кысаларында онкология авыруларын иртә диагностикалау һәм яман шешләрне 1-2 стадиядә 60% очракларда ачыклау.
2. Табиблар белән поликлиникаларның тулылыгын 94,1 проценттан 95,5 процентка кадәр арттырырга.
3. Табибларның һәм урта медицина персоналының уртача хезмәт хакы белән Татарстан Республикасында уртача хезмәт хакы нисбәтен саклап калу – тиешенчә 200% һәм 100%тан да ким түгел.
4. Мәҗбүри медицина иминияте чаралары хисабына медицина реабилитациясе күрсәтелгән Татарстан Республикасында яшәүчеләрнең санын 35 мең кешедән 36 мең кешегә кадәр арттырырга.
5. Кан әйләнеше системасы авырулары булган пациентларны диспансер күзәтүе кысаларында медицина хезмәтләре белән тәэмин итүне диспансер күзәтүе астында булган пациентларның гомуми санының 70% тан 80%ка кадәр арттырырга.
ТР сәламәтлек саклау министры урынбасары Илдар Фатыйхов билгеләп үткәнчә: «Без элеккечә Идел буе федераль округында демографик күрсәткечләр буенча беренче урында торабыз. Стратегик яктан мөһим булган «Сәламәтлек саклау», «Демография» милли проектларын гамәлгә ашыру дәвам итә. Хисап чорында без барлык максатчан күрсәткечләрне үти алдык».
Нәтиҗәләр турында фикер алышуда Татарстан Республикасы Сәламәтлек саклау министрлыгы каршындагы Иҗтимагый совет вәкилләре, экспертлар төркеме, Татарстан Республикасы Иҗтимагый палатасы вәкилләре, Татарстан Республикасы Кеше хокуклары буенча вәкаләтле вәкиле, Татарстан Республикасы Сәламәтлек саклау министрлыгы идарәләре һәм бүлекләре җитәкчеләре һәм массакүләм мәгълүмат чаралары вәкилләре катнашты.
Чыгышлар нәтиҗәләре буенча Татарстан Республикасы Сәламәтлек саклау министрлыгының беренче яртыеллык эшен канәгатьләнерлек дип танырга карар ителде. Максатлар һәм бурычлар үтәлде.