Яшь татарстанлылар Сочидагы XI Диаспартакиадада чыгыш ясаячак
28 июльдән 3 августка кадәр Сочи шәһәрендә 1нче типтагы шикәр диабеты белән авыручы балалар өчен XI Диаспартакиада® була. Ярышларда Татарстан командасы катнашачак.
Диаспартакиада® – спорт-белем бирү чарасы, 1нче типтагы шикәр диабеты булган балаларга комплекслы ярдәм күрсәтүгә юнәлдерелгән, ул «Россия диабет ассоциациясе» ҖЧҖ инициативасы буенча 2010 елдан бирле “Санофи” компаниясе белән партнерлыкта үткәрелә.
Бу вакыт эчендә Россиянең 57 төбәгеннән 800дән артык бала һәм яшүсмер чараларда катнашты.
Проектның максаты – 1нче типтагы шикәр диабеты диагнозы куелган балаларга һәм яшүсмерләргә һәрьяклап ярдәм итү, шул исәптән – белем бирү. Диаспартакиада ярдәмендә балаларда үзләренә һәм әйләнә-тирәдәгеләргә авыруның актив яшәү рәвешенә комачаулык түгеллеген исбатлау мөмкинлеге барлыкка килә.
2024 елда Диаспартакиадада Казан, Калуга, Брянск, Төмән, Курск, Новосибирск шәһәрләреннән алтышар команда катнашачак.