Республика балалар клиник хастаханәсендә «Тыныч бакча» рухи комплексын төзү сроклары һәм этаплары турында фикер алышу мәсьәләләре буенча киңәшмә узды

2024 елның 6 августы, сишәмбе

Республика балалар клиник хастаханәсе территориясендә «Тыныч бакча» рухи комплексы төзелешенең барышы турында фикер алышуда ТР Рәисе Администрациясе җитәкчесе урынбасары — ТР Рәисенең эчке сәясәт мәсьәләләре департаменты җитәкчесе Руслан Мөхәрләмов, Казан шәһәре башлыгының беренче урынбасары Денис Калинкин, ТР Рәисе департаментының дини берләшмәләр белән хезмәттәшлек итү идарәсе башлыгы Альберт Дирзизов, Казан һәм Татарстан митрополиты Кирилл, Россия Федерациясе мөселманнары ассоциациясе президенты Айдар Шаһимәрдәнов, проектның Баш архитекторы Алмаз Вәлиуллин, шулай ук ТР ГИСУ һәм төзелеш компанияләре вәкилләре катнашты.