Түбән Камада 3нче балалар поликлиникасы төзелеше тәмамлануга якынлаша
Түбән Кама шәһәре Перинаталь үзәге булган балалар район хастаханәсенең 3нче балалар поликлиникасы бинасын 35 А микрорайонында ярты ел элек «Сәламәтлек саклау» милли проектының беренчел сәламәтлек саклау звеносын модернизацияләү программасы буенча төзи башлаганнар иде.
Хәзерге вакытта монтаж эшләре тулысынча төгәлләнгән, бинаның фасады тышлана. Параллель рәвештә эчке бизәү эшләре алып барыла.
Барлык коммуникацияләр, шул исәптән су белән тәэмин итү, канализация, вентиляция, тышкы һәм эчке электр челтәрләре үткәрелгән.
Поликлиника тирәсендәге территорияне төзекләндерү эшләре актив алып барыла.
Моннан тыш, Биредә балалар сәламәтлек үзәге һәм балаларга сөт ризыкларын өләшү пункты эшләячәк. Бу "Сәламәтлек саклау" милли проекты ярдәмендә мөмкин булды, аның кысаларында яңа балалар поликлиникасы төзелешенә 446 млн.сум бүлеп бирелгән.