«Салават күпере»ндә Казанның иң эре күппрофильле поликлиникасы ачылды

Татарстан Республикасы Сәламәтлек саклау министры Марсель Миңнуллин, Казан мэры Илсур Метшин һәм башка мәртәбәле кунаклар катнашында Казан шәһәренең «Салават Күпере» торак комплексында күппрофильле поликлиника ачылды.

 

Татарстан Рәисе Рөстәм Миңнеханов видеоэлемтә аша учреждение эшенә старт бирде.

 

Бүгенге көндә комплекста 35 меңгә якын кеше яши, киләчәктә аларның саны ике тапкыр артачак. Поликлиниканың куәте - сменага 750 кеше (өлкәннәр һәм балалар).

 

Терапевтлар, педиатрлар һәм тар белгечләр кабинетларыннан тыш, биредә хатын-кызлар консультациясе, травмпункт, ашыгыч ярдәм филиалы урнашкан. Рентгенаппаратлар, флюорограф, маммографлар, компьютер томографы, УЗИ һ. б. белән җиһазландырылган. Мәйданы 12 мең кв. м тирәсе.

 

Поликлиника - быел «Сәламәтлек саклау» илкүләм проектының беренчел сәламәтлек саклау звеносын модернизацияләү программасы буенча төзелгән иң эре объект.

 

 

Тантанада шулай ук Ашыгыч медицина ярдәме станцияләренә 15 машина тапшырылды