5нче шәһәр хастаханәсе офтальмохирургы үткәргән операция Чаллыда яшәүченең күзен саклап калган
Роза Сафинага – 77 яшь. Аның күрү сәләте берничә ел элек бөҗәкләрдән агу сипкәндә күз пешкәннән соң начарая башлаган. Соңрак хәлне имгәнү һәм барлыкка килгән катаракта катлауландырды. Ул инде сузылган кулы ераклыгындагы тонык кына яктылык чаткыларыннан башка бернәрсә дә күрмәде. Операция ясарга курыккан. Аннары аңа табиблар да, пациентлар да 5нче шәһәр хастаханәсенең офтальмология бүлеге мөдире Айзат Тимировка мөрәҗәгать итәргә киңәш иттеләр. Ул – бик көчле офтальмохирург.
“Мин шул ук көнне анализлар тапшырдым һәм операциягә яттым", - дип сөйләде Роза Фатыйховна.
“Операциядән соң бер сәгать үткәч, мин бәйләвемне күтәрдем һәм яңадан күрүемне аңладым. Аннары бәхеттән еладым, биедем. Минем тормыш юлымда нәкъ менә шушы врач очрашканы өчен Ходайга рәхмәт белдерәм”.
Офтальмология бүлеге мөдире Айзат Фнунович Тимиров «кабара торган катаракта» диагнозы ашыгыч оператив тыкшынуны таләп итте, дип сөйләде. Анамнезда күз җәрәхәтләре булган, моннан тыш, пациентканың күз эчендәге югары басымы булган, ул шешүдән зарарланган тукымаларның өзелү куркынычын арттырган. Хрусталик күз сыеклыгының агып чыгу юлларын япкан диярлек – әлеге офтальмологик патология икенчел глаукомага һәм күрү нервы атрофиясе аркасында тулысынча сукыраюга китерергә мөмкин иде.