БСМП хирурглары баш миенең парлы аневризмнары булган кызның гомерен саклап калган. Хастаханә практикасында сирәк патология беренче тапкыр очрый
32 яшьлек пациент Яр Чаллының Ашыгыч медицина ярдәме хастаханәсенә баш сөяге эчендәге кан төшү белән бик авыр хәлдә кергән. Аңа ашыгыч рәвештә баш мие кан тамырлары контрасты белән КТ башкарганнар. Тикшерү барышында шартлаган аневризманы ачыклаганнар. Ашыгыч рәвештә консилиум җыелган, анда нейрохирурглар, неврологлар, реаниматологлар, рентгенэндоваскуляр хирурглар булган. Тулы картина өчен өстәмә рәвештә церебраль ангиография үткәрделәр.
Ашыгыч медицина ярдәме хастаханәсе белгечләренең югары профессиональ эше нәтиҗәсендә пациент җитди патологиядән котылган. Кыз больницадан яхшы хәлдә чыгарылган иде. Химиоангиопластиканы уңышлы куллану тәҗрибәсе гомерләрне саклап калу өчен яңа мөмкинлекләр ача. Хәзер ашыгыч медицина ярдәме хастаханәсендә метод пациентларны дәвалауның клиник беркетмәләренә кертелгән.