Меланома диагностикасы көне
2025 елның 26 маенда Россиядә 18 нче тапкыр Меланома диагностикасы көне узачак.
Акциядә Россиянең 150 шәһәреннән 1700 дерматолог катнаша, аларга иң яман шешне – меланоманы профилактикалау һәм иртә ачыклау максатыннан миңнәрен бушлай тикшертергә мөмкин.
Ел саен Россиядә меланома белән авыруның 12 000 яңа очрагы ачыклана, ул тиз метастазлар бирә торган яман шеш. Статистика кызганыч: меланома белән авыручыларның 40% соң ачыклау аркасында коткарып булмый, шул ук вакытта иртә диагностика ясаганда меланома 90% очракта дәвалана.
ТР буенча тире яман шеше (шул исәптән меланома) барлык яман шешләр арасында I урында тора. Узган ел эчендә тире меланомасының 323 очрагы ачыкланган, шуларның 71 очрагы (22%) эшләтеп җибәрелгән стадиядә.
Авырулар санының ел саен артуына китерә торган факторлар арасында - экологик вәзгыятьнең начараюы һәм зарарлы УФ-нурлар өчен атмосфера үткәрүчәнлегенең артуы, кояшта кызынуга мода һәм, нәтиҗәдә, кояштан саклану чараларыннан башка озак вакыт кояшта булу яки кояштан саклану факторы түбән булган чаралардан файдалану, шулай ук солярийга актив бару. Проблеманың мөһимлегенә карамастан, меланома һәм башка тире яман шешләре үсешендә ультрафиолет нурларының роле турында халыкның хәбәрдарлык дәрәҗәсе Россиядә генә түгел, бөтен дөньяда түбән булып кала.
Меланома диагностикасы көне - ул миңнәрне тикшерү, проблеманы вакытында ачыклау һәм үз тормышыңны яки якыннарыңның гомерен саклап калу мөмкинлеге.
