Арча районының Кәче авылында яңа ФАП төзелеше финал этабына якынлаша

2025 елның 30 июне, дүшәмбе

Аны ТР Рәисе Рөстәм Миңнеханов инициативасы белән «Халыкка беренчел медицина-санитария ярдәмен камилләштерү» республика программасы акчасына төзеделәр.

Модульле фельдшер-акушерлык пунктында каркас җыелган, түбә ябу эшләре тәмамланган, керү группасы урнаштырылган.

Шулай ук бинаның эчке ягы бизәлгән, электрүткәргеч һәм сантехника урнаштырылган.

Бинага  җиһазлар китерелгән һәм койма куелган.