Балтач районында капиталь ремонттан соң 4 ФАП ачылды

2025 елның 16 июле, чәршәмбе

Татарстанның Балтач муниципаль районының Карадуган, Кече Лыза, Чапшар һәм Шода авылларында фельдшер-акушерлык пунктларына капиталь ремонт ясалды.

Татарстан Рәисе Рөстәм Миңнеханов билгеләп үткәнчә, республикада ел саен 100 дән артык медицина учреждениесе, шул исәптән ФАПлар һәм поликлиникалар ремонтлана. Яңарту «Дәвамлы һәм актив тормыш» илкүләм проектының сәламәтлек саклауның беренчел буынын модернизацияләү программасы , шулай ук республика программалары нигезендә үткәрелә.