Кама балалар медицина үзәгендә 1 сентябрь
Белем көне алдыннан «Җиде диңгез» курчак театры Кама балалар медицина үзәгендә дәваланучы балалар һәм клиника хезмәткәрләренең балалары өчен әкияти бүләк әзерләде.
Актерлар тамашачыларга үзләренең яңа интерактив спектаклен тәкъдим иттеләр.
Балалар тамашага бик теләп кушылдылар: биеделәр, яраткан җырларын җырладылар һәм актерлар белән аралаштылар.
Балалар гына түгел, залдагы өлкәннәр дә, балачакның кайгысыз көннәрен искә төшереп, сихер һәм шатлык атмосферасына чума алдылар. Спектакль дәвамында залда көлү һәм соклану күзәтелде, тамашачыларның күңелләре җылылык һәм позитивлык белән тулды.
Чара азагында балалар хәйрия фондыннан бүләкләр алдылар һәм тылсымлы геройлар белән фотога төштеләр. Булачак беренче сыйныф укучылары шулай ук хастаханәнең профкомыннан бүләкләр алдылар.
Мондый уңай кәеф, һичшиксез, балаларның тизрәк терелүенә ярдәм итәчәк.