Бүген Татарстан Рәисе Рөстәм Миңнеханов Актаныш район үзәк хастаханәсенең кабул итү-диагностика бүлеген ачты

2025 елның 4 сентябре, пәнҗешәмбе

Яңа кабул итү-диагностика бүлеге 2025 елда Татарстан Республикасы Рәисе Р.Н.Миңнеханов карары белән тулысынча Татарстан Республикасы бюджеты акчаларына төзелде.

Бүген тантаналы ачылыш ТР Рәисе Рөстәм Миңнеханов, ТР сәламәтлек саклау министры вазыйфаларын вакытлыча башкаручы Альмир Абашев, РФ Дәүләт Думасы депутаты Әлфия Когогина, Актаныш районы башлыгы Ленар Зарипов, Актаныш район үзәк хастаханәсе баш табибы Айдар Хаев һәм башкалар катнашында узды.

Яңа кабул итү-диагностика бүлегендә коридорлы вестибюль, регистратура-диспетчерлык, планлы авыруларны карау бүлмәсе, пациентларны санитар эшкәртү бүлмәсе, авыруларның әйберләрен вакытлыча саклау өчен бүлмә, кичектергесез авыруларны карау бүлмәсе, барлык кирәкле бүлмәләре булган шокка каршы чаралар палатасы, хирург кабинеты, ФГДС табибы кабинеты бар, эндоскопия процедуралары бүлмәсе, эндоскоплар юу бүлмәсе, бәйләү салу кабинеты, табиб- травматолог кабинеты, гипс салу кабинеты, процедуралар кабинеты, рентген кабинеты, табиб-рентгенолог кабинеты (кабул итү-диагностика бүлеге мөдире), маммография процедуралары бүлмәсе, рентгенография процедуралары бүлмәсе, өлкән шәфкать туташы кабинеты, йогышлы авырулар өчен аерым керү урыны булган бокс (фильтр-бокс), гинекология креслосы булган пациентларны карау бүлмәсе, экспресс-лаборатория бүлмәсе. Яңа кабул итү-диагностика бүлеге шулай ук персоналның уңайлы эшләве өчен кирәкле бүлмәләр (персоналның өске киеме өчен гардероб, персонал бүлмәсе, персоналның өй һәм эш киеме өчен гардероблар) белән җиһазландырылган.

Шулай итеп, хәзерге вакытта Актаныш районы халкына медицина ярдәме күрсәтү куркынычсызлыгы стандартларына туры китереп, яңа кабул итү-диагностика бүлегендә яңа хәзерге заман медицина җиһазларында сыйфатлы медицина ярдәме күрсәтү өчен барлык шартлар тудырылган.