Яңа туган балалардан алып юл-транспорт һәлакәтендә зыян күрүчеләргә кадәр: донор каны кемгә ярдәм итә
Яр Чаллы кан үзәгендә врач-трансфузиолог Солдатова Ирина Валерьевна эшли. Аның медицина стажы 25 елдан артып киткән, ә соңгы 15 елда ул нәкъ менә трансфузиология белән шөгыльләнә. Бүген Ирина Валерьевна донор кадрларын комплектлау бүлеген җитәкли.
«Безгә кан донорлардан килә, һәм безнең бурыч – ул куркынычсыз һәм конкрет кешегә туры килерлек итеп эшләү. Без төрле пациентлар өчен эшлибез: кан салуга мохтаҗ яңа туган балалардан алып авыр аварияләрдән яки операцияләрдән соң кешеләргә кадәр. Кайвакыт кан онкологик авыруларга, кайвакыт хатын-кызларга бала табудагы катлауланулар вакытында таләп ителә», – дип сөйли белгеч.
Аның сүзләренә караганда, һөнәрнең төп үзенчәлеге — игътибарлылык һәм төгәллек. "Һәр компонент тикшерелергә тиеш, һәр процедура — катгый рәвештә кагыйдәләр буенча башкарыла. Монда хата ярамый. Эш катлаулы, әмма бу безнең көндәлек тормышыбызның бер өлеше", – дип билгеләп үтә Ирина Валерьевна.
Медицинада ул 1988 елдан бирле. Хирургия бүлегендә санитарка булып эшли башлый, аннары Ижау дәүләт медицина академиясен «педиатрия» белгечлеге буенча тәмамлый. Табиб-неонатолог һәм дерматовенеролог булып эшли. 2002 елдан кан үзәгендә эшли, ә 2010 елдан төп бүлекчәләрнең берсен җитәкли.
Ирина Валерьевна үзе Россиянең Мактаулы доноры һәм Татарстан Республикасының Мактаулы сәламәтлек саклау хезмәткәре исеменә лаек булды.