Алабуга район үзәк хастаханәсендә яңа табиблар эшли
Алабуга район үзәк хастаханәсе үз сафларын ныгыта. 2025 елда командага төрле белгечлекләр буенча берьюлы 14 табиб кушылды: инфекционист, неврологлар, участок терапевтлары, эпидемиологлар, педиатрлар, УЗД табибы, акушер-гинеколог, участок психиатры һәм эндокринолог.
Бу белгечләрнең һәркайсы – шәһәр һәм район өчен кыйммәтле табыш, алабугалыларның сәламәтлеген кайгыртырга әзер.
Бүген без сезне ике искиткеч табиб-невролог белән таныштырачакбыз.
Хамзаев Абүбәкер Эргашович, педиатр әтисенә карап, бала чагында ук үзенең кешеләргә ярдәм итү теләге булуын аңлаган. Яшьтән үк табиб булырга хыялланган. Якубов Асрор Рәсүл улы да нерв системасының катлаулы үрелешләрен аңлау өчен неврологияне сайлаган. Икесен дә тормышлары хәрәкәткә, хисләргә һәм фикерләүгә йогынты ясый торган авырулар белән бәйле пациентларга ярдәм итү мөмкинлеге җәлеп итте.
Аларны медицинага мәхәббәт кенә түгел, алар белем алган Ульяновск медицина вузы да берләштерә. Ә Асрорның медицинага якын тагын бер кешесе бар – аның Таҗикстанда медицина көллиятен "фармакология" белгечлеге буенча тәмамлаган хатыны.
Әбүбәкер Хәмзаев августтан шәһәр поликлиникасында пациентлар кабул итә, ә Асрор Якубов район үзәк хастаханә стационарында эшли.
