Саба районында яңа ФАП төзелеше уңышлы тәмамланды

2025 елның 23 октябре, пәнҗешәмбе

Модульле фельдшер-акушерлык пункты Иштуган тимер юл разъезды бистәсендә төзелгән.

Яңа медицина объекты берничә ел элек ТР Рәисе Рөстәм Миңнеханов инициативасы белән эшли башлаган «Халыкка беренчел медицина-санитария ярдәмен камилләштерү» республика программасы акчасына төзелгән.

Быел әлеге программа буенча Татарстан Республикасында 15 муниципаль районда 15 яңа фельдшер-акушерлык пункты төзелә.

Саба  район үзәк хастаханәсенең Иштуган ФАПында кирәкле җайланмалар, инвентарь һәм яңа җиһазлар бар.