Табибка баруны кичектереп тормагыз: сәламәтлегегез – сезнең кулда!

2025 елның 7 ноябре, җомга

Үпкә яман шеше, аның симптомнары һәм профилактикасы турында баш табибның медицина өлеше буенча урынбасары, табиб-онколог Эрнес Викториевич Юпаев сөйли.

"Үпкә рагы – зарарланган үпкә эпителиеннан барлыкка килә торган яман шеш. Кызганычка каршы, бу авырудан үлүчеләр саны югары — якынча 85% очрак үлем белән тәмамлана. Төп сәбәп – соңрак ачыклау.

Үпкә рагы үсеше куркынычын ничек киметергә?

• Даими рәвештә медицина тикшерүләре һәм диспансеризация узыгыз (18 яшьтән 39 яшькә кадәр — өч елга бер, 40 яшьтән өлкәнрәк — ел саен), шул исәптән флюорографияне дә кертеп.
• Начар гадәтләрдән, бигрәк тә тәмәке тартудан баш тартыгыз.
• Сәламәт яшәү рәвеше алып барыгыз: дөрес тукланыгыз, рационга күбрәк витаминнар кертегез, физик активлык белән шөгыльләнегез, саф һавада йөрегез.
• Бронхларның хроник формага күчүен булдырмас өчен, аларны вакытында дәвалагыз.
• Бүлмәне даими җилләтегез һәм дымлы җыештыру үткәрегез.
• Зарарлы химик матдәләр һәм авыр металлар белән эшләмәскә тырышыгыз. Зарарлы матдәләр белән эшләгәндә саклану чаралары (респираторлар, битлекләр) кулланыгыз.

Онытмагыз, үпкә сәламәтлеге турында кайгырту – сезнең җаваплылыгыгыз. Үзегезне һәм якыннарыгызны саклагыз!