Балалар республика клиник хастаханәсендә Бөтендөнья диабетка каршы көрәш көне
14 ноябрь – Бөтендөнья диабетка каршы көрәш көне. 2 нче эндокринология һәм хирургия бүлекләрендә бу көн шикәр диабеты белән яшәүче балаларга ярдәм итүгә һәм бу авыру турында хәбәрдарлыкны арттыруга юнәлдерелгән чаралар уздыру белән билгеләп үтелде.
Бүлекләрдә оештырылган әңгәмәләр вакытында балалар үзләренең шәхси тәҗрибәләре белән уртаклаша, диабет белән бәйле авырлыклар һәм шатлыклар турында сөйли алдылар.
Чара кысаларында оештырылган викторина балаларның шикәр диабеты турындагы белемнәрен уен формасында тикшерергә мөмкинлек бирде. Сораулар авыруның төрле аспектларын үз эченә алды: дөрес тукланудан алып кандагы шикәр күләмен контрольдә тоту ысулларына кадәр.
Рәсем конкурсы балаларга үз хисләрен һәм кичерешләрен белдерү өчен тагын бер мөмкинлек булды.
Чара ахырында һәр балага тематик буяу китаплары бүләк ителде, алар күңелле сувенир гына түгел, шикәр диабеты белән бәйле мәсьәләләрне алга таба өйрәнү өчен дә файдалы.
Сәламәт туклану нигезләре һәм физик активлыкның мөһимлеге турындагы мәгълүматны үз эченә алган буяу китаплары үз сәламәтлегең турында кайгырту кирәклеген даими искәртеп торачак.
Бу көнне үткәрелгән чаралар шикәр диабеты белән яшәүче балаларга ярдәм итүдә һәм җәмгыятьтә бу авыру турында хәбәрдарлыкны арттыруда мөһим адым булды.
