Казан медицина көллиятендә түгәрәк өстәл махсус хәрби операциядә катнашучыларга ярдәм күрсәтү мәсьәләләренә багышланды

2025 елның 1 декабре, дүшәмбе

2025 елның 27 ноябрендә «Казан медицина көллияте» ДАҺБУ базасында «Махсус хәрби операциядә катнашучыларга һәм аларның гаилә әгъзаларына аралашканда һәм медицина ярдәме күрсәткәндә урта медицина хезмәткәрләренең коммуникатив компетентлыгы» темасына багышланган түгәрәк өстәл узды.

Түгәрәк өстәлдә катнашучыларга сәламләү сүзе белән медицина фәннәре докторы, профессор, «Казан медицина көллияте» ДАҺБУ җитәкчесе А.В. Шулаев мөрәҗәгать итте. Ул махсус хәрби операциядә катнашучыларның, аларның гаиләләренең һәм тулаем җәмгыятьнең иминлеген һәм тормыш сыйфатын тәэмин итү өчен нәтиҗәле аралашуның мөһимлеген ассызыклады.

Түгәрәк өстәл эшендә "М.Н.Садыйков ис. Шәһәр клиник хастаханәсе" ДАССУ өлкән медицина хезмәткәре Назаров В.В., өлкән шәфкать туташы Н.В. Строителева (махсус хәрби операциядә катнашучылар) һәм Россия Федерациясе Оборона министрлыгының «354 округ хәрби клиник госпитале" ФДКУның дәвалау физкультурасы буенча инструкторы Вафина Э.Ф., шулай ук өстәмә һөнәри белем бирү бүлекләре мөдирләре, укыту-тәрбия эше буенча директор урынбасарлары, тәрбия эше буенча директор урынбасарлары, методистлар, психологлар, Татарстан Республикасы медицина көллиятләре һәм училищеларының психология укытучылары.

Татарстан Республикасының шәфкать туташлары эшчәнлеге белән идарә итү буенча штаттан тыш баш белгече, «Казан медицина көллияте» ДАҺБУнең дипломнан соң һәм өстәмә белем бирү буенча директор урынбасары, Татарстан Республикасы шәфкать туташлары ассоциациясе президенты Т.В. Ванюшина  йомгак ясап, түгәрәк өстәлнең гамәли әһәмиятен һәм тәкъдим ителгән докладларның югары кыйммәтен билгеләп үтте.