ТР Сәламәтлек саклау министрлыгы һәм Татарстан митрополиясе арасында хезмәттәшлек турында килешү имзаланды
Бүген Татарстан Республикасы Дәүләт Советында Татарстан Республикасы Сәламәтлек саклау министрлыгы, Татарстан митрополиясе – Рус Православие чиркәвенең (Мәскәү патриархаты) Казан, Әлмәт, Чистай, Яр Чаллы епархияләре һәм Үзәкләштерелгән дини оешма – Татарстан Республикасы мөселманнары Диния нәзарәте арасында хезмәттәшлек турында генераль килешүгә имза салынды.
Альмир Абашев, Татарстан Республикасы сәламәтлек саклау министры: "Бу күпсанлы сорауларга җавап бирә торган тикшерелгән киң колачлы документ. Шулай итеп, ул мәрхүмнең туганнары һәм медицина хезмәткәрләре арасында аңлашылмаучанлык барлыкка килгән тормыш ситуацияләренә җаваплар үз эченә ала. Килешүнең мөһим өлеше - медицина оешмаларында төрле конфессия вәкилләре өчен гыйбадәт бүлмәләре барлыкка килү. Төрле дин тотучы пациентлар өчен бертигез файдалану мөмкинлеге билгеләнгән.»
Мондый килешүләр 2008, 2022 елларда төзелгән һәм хезмәттәшлек итүдә зур уңай тәҗрибәгә ия булган.
Әлеге генераль килешүнең максатлары сәламәтлекне саклау өлкәсендә хезмәттәшлекне үстерү, рухи-әхлакый кыйммәтләрне саклау, шулай ук Татарстан Республикасы халкының физик һәм рухи иминлеген ныгытуга ярдәм итә торган чаралар комплексын гамәлгә ашырудан гыйбарәт.