Медицина тикшерүенә уңайлы бару
Лениногорск районында 65 яшьтән өлкәнрәк гражданнарны авыл торак пунктларыннан медицина учреждениеләренә илтү буенча мөһим һәм кирәкле эш дәвам итә.
Гражданнарны илтүне Лениногорск хастаханәсе белән берлектә «Исток – Башлангыч» халыкка социаль хезмәт күрсәтү комплекслы үзәге оештыра.
Мондый чаралар аз хәрәкәтләнүче гражданнарның тормышын сизелерлек җиңеләйтә, аларга артык мәшәкатьләрсез һәм юлда кыенлыкларсыз сәламәтлекләрен даими күзәтеп торырга ярдәм итә.
Районда яшәүче өлкән яшьтәгеләрнең:
- диспансерлаштыру
- флюорография
- маммография
- вакцинация узу мөмкинлеге бар.
Кабул итүне табиб-терапевтлар һәм тар белгечләр алып бара.
2025 елда гына да проектта 65 яшьтән өлкәнрәк меңнән артык кеше катнашты, һәм бу эш актив дәвам итә.
Без барлык партнерларга да хезмәттәшлек итүләре һәм өлкән буын турында ихлас кайгыртулары өчен рәхмәт белдерәбез. Сәламәтлек — безнең уртак өстенлегебез.
Эш "Дәвамлы һәм актив тормыш" илкүләм проекты нигезендә алып барыла.