Тукай районында диспансеризация

2026 елның 20 феврале, җомга

Тукай районында өлкәннәрне диспансерлаштыру дәвам итә — бу Тукай  район үзәк хастаханәсе поликлиникасында һәм ФАПларда бушлай медицина караулары, анализлар һәм тикшеренүләр.

Анализлар алудан тыш, ФАП фельдшерлары кан басымын, буйны, авырлыкны, сатурацияне үлчиләр һәм ЭКГ ясыйлар.

Исегезгә төшерәбез, 18 яшькә җиткән һәркем бушлай тикшеренү уза һәм анализлар тапшыра ала. Үзең белән иминият медицина полисы һәм РФ гражданины паспорты булырга тиеш.

Диспансеризация ике этапта уза: башта пациент куркыныч факторлары булу-булмавына һәм яшерен авыруларга шик тудыруга гомуми тикшерү уза, ә аннары өстәмә тикшеренүләр һәм тар белгечләр каравы уза.