Яр Чаллы медицина көллиятендә 2007 елгы чыгарылыш укучысына «Герой партасы» ачылды
Геройның медицина юлы: 10 нчы төзәтү колониясендә фельдшер булып эшли башлый, армиядә сроклы хезмәтне үткәннән соң Менделеевск районының Ижевка авылы ФАПында, аннары Менделеевск шәһәренең Ашыгыч медицина ярдәмендә эшли.
2022 елда махсус хәрби операциягә мобилизацияләнә, 2025 елның 25 июнендә медицина взводы капитаны дәрәҗәсендә һәлак була.
Тантанада катнаштылар:
· Павел Валериевичның туганнары;
* Нусратов Тимур Эдуард улы - V чакырылыш Чаллы шәһәре Советы депутаты, махсус хәрби операция ветераны;
· көллият студентлары һәм укытучылар коллективы.
Көллият директоры Ирина Нимовна Нургатина билгеләп үткәнчә, "Герой партасы" - илне саклаган герой – чыгарылыш укучыларын искә алу ул.
Чараның атмосферасын күңелгә хуш килгән музыкаль номерлар тутырды:
«Хыял» балалар музыка хоры тантананы «Сугышсыз дөнья» җыры белән ачып җибәрде;
Илзирә ике композицияне — «Вернись» һәм «Героям» – тирән эчтәлекле итеп башкарды.
Бу вакыйга беркемне дә битараф калдырмады. Герой турындагы якты истәлек безнең йөрәкләрдә мәңгегә калачак, ә «Герой партасы» көллиятнең барлык студентлары өчен батырлык, патриотизм һәм буыннар дәвамчанлыгы символына әвереләчәк.
