Кама Тамагы район үзәк хастаханәсе коллективын яшь белгеч тулыландырды
Гыйнвардан район үзәк хастаханәсе поликлиникасында яңа терапевт — Анастасия Хәкимова эшли. Тумышы белән Удмуртиядән, Ижауда медицина институтын, ә ординатураны Казанда тәмамлаган. Районга «Озак һәм актив тормыш» илкүләм проектының "Земство докторы" программасы буенча килдем.
Төп белгечлектән тыш, Анастасия Сергеевнаның табиб-отоларинголог өстәмә квалификациясе бар, ә хастаханә администрациясе үтенече сәбәпле шулай ук эндоскопия буенча укулар узган.
Хәзер ул участок терапевты буларак кабул итә, ә эшендә тәҗрибәле шәфкать туташы Гөлия Камәретдинова булыша. Үзенең пациентларына һәм районда яшәүчеләргә ул бер генә нәрсәне - вакытында диспансеризация узарга киңәш итә.
"Практика күрсәткәнчә, тикшерү авыруларны иртә стадиядә ачыкларга һәм авыру үсешенә юл куймаска мөмкинлек бирә. Үз сәламәтлегебезне кайгырту - ул һәрберебезнең эше", - дип уртаклаша яшь табиб.
Анастасия Сергеевнага эшендә уңышлар, энергия, көч һәм иминлек телибез!