Республика клиник йогышлы авырулар хастаханәсе табиблары Уфада лаборатория медицинасы белгечләренең V Идел буе форумында катнаштылар
9-10 апрельдә Уфа шәһәрендә лаборатория медицинасы белгечләренең V Идел буе форумы һәм «КЛИНИКА, ГЕНЕТИКА, ЛАБОРАТОРИЯ» IV фәнни-гамәли конференциясе булды. Конференциянең төп темалары: клиник лаборатор диагностика, молекуляр диагностика һәм персональләштерелгән медицина, шулай ук микробиологик тикшеренүләрнең хәзерге заман аспектлары.
Чарада Республика клиник йогышлы авырулар хастаханәсе белгечләре: бактериология лабораториясе мөдире Марина Белова, иммунобактериология лабораториясе мөдире Ольга Рахманова һәм клиник-диагностика лабораториясе мөдире Люзия Вәлиәхмәтова булдылар. Визит барышында алар әйдәп баручы экспертларның докладларын өйрәнделәр, башка төбәкләрдәге хезмәттәшләре белән тәҗрибә уртаклаштылар һәм лаборатор диагностика өлкәсендәге өр-яңа эшләнмәләр белән таныштылар.
Эш сәфәре кысаларында Татарстан белгечләре шулай ук Башкортостан Республикасының әйдәүче дәвалау учреждениеләрендә – "Республика клиник йогышлы авырулар хастаханәсе" дәүләт бюджет сәламәтлек саклау учреждениесендә һәм 13 нче шәһәр клиник хастаханәсендә булдылар.
