Республика балалар клиник хастаханәсе командасы хәйрия квизында катнашты
20 апрельдә «Ре-квиз-ит» командасы һәм «Гаилә бергә» Хәйрия фондының Гаилә йорты тарафыннан квиз форматында оештырылган хәйрия чарасы узды.
Интеллектуаль ярышта катнашучылар саны шактый күп – 230дан артык кеше, 35 команда катнашты, шул исәптән Республика балалар клиник хастаханәсе командасы. Уенчылар уку процессында алган белемнәрен генә түгел, гадәттән тыш зирәклекләрен дә күрсәттеләр.
«Хәйрия уены безнең һәркайсыбызның зур булмаган тырышлыклары да күп кенә кешеләрне игелекле эшләр башкару өчен берләштерә алуын тагын бер тапкыр ачык күрсәтте, – дип билгеләп үтте Казандагы Гаилә йорты директоры Юлия Маркова. – Җыелган акчалар Республика балалар клиник хастаханәсендә озак дәваланучы балалар ата-аналары белән бергә яши торган йортыбызның эшләвен тәэмин итүгә юнәлдерелгән». Ул ReQuizit командасына рәхмәт белдерде, аның белән «Өйдән ерактагы өй» күп еллар дәвамында дустанә мөнәсәбәтләрдә тора.
