"Профессионаллар" чемпионатларының муниципаль этаплары
Мәктәп эскәмиясеннән — чемпионат хәрәкәтенә: Яр Чаллы медицина көллиятендә укучылар арасында һөнәри осталык чемпионатының муниципаль этабы узды.
Яр Чаллы медицина көллияте базасында медицина компетенцияләре буенча мәктәп укучылары арасында һөнәри осталык чемпионатының муниципаль этабы узды. Чара «Син яхшы компаниядә!» девизында уза һәм медицина һөнәрләрен популярлаштырырга, шулай ук укучыларга булачак белгечлекне аңлы рәвештә сайларга ярдәм итәргә тиеш.
Чемпионатта 8-9 сыйныф укучылары катнаша. Балалар үз көчләрен түбәндәге компетенцияләрдә сынап карый алалар:
«Медицина һәм социаль тәрбия»;
«Фармацевтика»;
«Дәвалау эше".
Конкурс биремнәренә төбәк экспертлары статусына ия булган көллиятнең тәҗрибәле укытучылары, шулай ук һөнәри осталык чемпионатларының төбәк һәм милли этапларында җиңүче һәм призер студентлар бәя бирә. Статистлар сыйфатында көллият студентлары чыгыш ясый, алар катнашучыларга конкурс биремнәрен үтәгәндә ярдәм итәләр, командада эшләү һәм ярдәм итү атмосферасы тудыралар.
Оештыручылар һәм экспертлар барлык катнашучыларга уңышлар, үз көчләренә ышаныч, яңа белемнәр һәм якты җиңүләр телиләр!
Бу чемпионат һәркем өчен кызыклы һәм мөһим һөнәргә старт булсын.
«Профессионаллар» чемпионаты «Яшьләр һәм балалар» илкүләм проектының «Профессионалитет» федераль проекты ярдәмендә уздырыла.
