Республика балалар клиник хастаханәсе Бөтенроссия конгрессында: тәҗрибә, фән, казанышлар
Республика балалар клиник хастаханәсе белгечләре 23-25 апрельдә Яңа Петергофта үткән нәселдән килгән үпкә авырулары буенча II Милли конгресста катнаштылар.
Мондый зур һөнәри чарада катнашу тәҗрибә уртаклашу, балаларда сулыш органнарының сирәк авыруларын диагностикалау һәм дәвалауның актуаль мәсьәләләре турында фикер алышу, шулай ук үз клиник күзәтүләреңне күрсәтү өчен мөһим мөмкинлек булды.
Республика балалар клиник хастаханәсен конгресста Татарстан Республикасы Сәламәтлек саклау министрлыгының штаттан тыш баш балалар пульмонологы, 1 нче консультация поликлиникасы мөдире Оксана Геннадьевна Пятеркина һәм Республика балалар клиник хастаханәсенең пульмонология бүлеге мөдире Ольга Александровна Карпова тәкъдим итте. Фәнни программа кысаларында Республика балалар клиник хастаханәсе табиб-пульмонологлары «FINKA синдромы: бер гаилә тарихы» дигән доклад белән чыгыш ясадылар, профессиональ бергәлеккә учреждениенең клиник тәҗрибәсен тәкъдим иттеләр.
Конкурс программасында шулай ук КДМУның педиатрия кафедрасы ординаторы Никита Сергеевич Назаренко да катнашты. Ул «Тискәре неонаталь скрининглы балаларда псевдо-Барттер синдромы белән муковисцидоз манифестациясе» дигән постер докладын тәкъдим итте. Эш эксперт җәмәгатьчелеге тарафыннан югары бәяләнде һәм II дәрәҗә дипломга лаек булды.
Республика балалар клиник хастаханәсе белгечләренең конгресста катнашуы – үз эшләнмәләрен тәкъдим итү мөмкинлеге генә түгел, ә балалар пульмонологиясен үстерүгә, белем алмашуга һәм сәламәтлек саклауга замана алымнары кертүгә мөһим өлеш дә ул. Хезмәттәшләребезне лаеклы чыгышлары белән котлыйбыз һәм яңа һөнәри һәм фәнни казанышлар телибез.
