12 май – Халыкара шәфкать туташлары көне
Чаллы шәһәренең 5 нче номерлы Шәһәр хастаханәсенең шәфкать туташы Илзирә Ибраһимова – "Йолдыз" ("Звезда") федераль телеканалында.
Программаны төшерү Халыкара шәфкать туташлары көне алдыннан узды.
Сюжет 16 майда 9:50 сәгатьтә чыгачак.
Чыгарылыш талантлы шәфкать туташларына багышлана, алар турында илебезнең миллионлаган халкы белә.
Илзирә Гамировна офтальмология бүлегенең өлкән шәфкать туташы гына түгел, ул хастаханәнең спорт командасы капитаны, бөтенроссия, республика һәм шәһәр чараларында, солдатларыбыз өчен алгы сызыкта яңгыраган җырлар авторы һәм башкаручысы да.
Аның композицияләре медицинага, туган җиргә мәхәббәт белән тулы. Алар социаль челтәрләрдә игътибарны җәлеп итә, тыңлаучылардан меңләгән уңай бәяләмәләр җыя.
"Икенче фикер" ("Второе мнение") программасы продюсерлары талантлы шәфкать туташы турында шулай беләләр дә һәм бәйрәм чыгарылышына чакыралар.
Бу Илзирә Гамировна өчен генә түгел, аның бөтен гаиләсе, хезмәттәшләре һәм дуслары өчен дә чын вакыйга булды.
Үзенең һөнәри бәйрәмендә Илзирә Гамировна коллегаларына котлаулар һәм бәйрәм клибын тапшыра.
